الأحد، 2 يناير، 2011

لم يعد هناك شئٌ يقال
صارت الدموع تحكي بدلا عني
ولم يعد هناك ما أستطيع عمله
صار الحزن يسير احاسيسي وأوقاتي
ترى هل سأعود إلى نفسي يوماً
؟

الجمعة، 31 ديسمبر، 2010

كلهم تغيروا
كلهم قد اتخذوا لنفسهم طريقاً يسيرون فيه وراحو بعيداً
لا أعلم نسوني أم تناسوني
أنا مازلت أذكرهم وأشتاقهم
أشعر أحياناً كأنني في نفس العمر لمـ أكبر مثلهم..
أشعر كأنهم مازالوا هنا
ترى هل سأتغير مثلهم في يومٍ ما..
؟؟؟

الخميس، 30 ديسمبر، 2010

ليش ياسفر؟

خنتني يا وقتي..
خنتني يا أمل..
خلي اللي بقالي..
خلاني و رحل..
ابكي ياعيوني..
خلي الجفون تسهر ..
احزني ياظنوني ..
شللي تبين أكثر ؟
أحلام؟؟
آمال؟؟
خلاص..
ماعاد فيه حلم يتحقق..
ماعاد فيه شوق وغرام..
صار السفر يضحك علي...
يمنعني من إني أحب وأحلم..مثل كل البنات..
ولما أعاند..
ينتقم..
يسرق مني كل شي .. وكلّ شخصٍ لي وفي ..
ليش يا دنيا الغياب؟؟
تكرهينه..
وتكرهيني..
وتفرقين..بينه ويني..
وتمنعين عني الأمل..
ليش أتعذب سنين؟
ليش تخلين الفرح ..بس دقايق..
والألم يسكن شهور..
وليش ياحبي تجي..؟
..
..
..
دام بتروح ..

شــــوق ..

- تحبني؟
- أشتاقلج.. وشوقي لج غريب
- شلون؟
- مدري..بس انتي غير وكلامج معاي يحرك أشياء فيني
......
أنا الآن أشتاقُ إليك واشتياقي إليك ليس غريباً بل مؤلماً لأنه اشتياقٌ فقط ، اشتياق لا يجيء بعده شيء،ولا يتبعه خيط ضوءٍ للأمل،اشتياقٌ موجع حين يقتحم أعماقي ويفتش في ذكرياتي ويوقظها،اشتياقٌ لا يتربع إلا في شتاءٍ مظلم قاسي البرودة ،اشتياقٌ عنيف متسلط لا يسعني أمامه الكلام ولا الكتابة ولايكون بوسعي سوى أن أبكي أو أستسلم له بصمت فليس هنا ما أفعله معه.

الثلاثاء، 7 ديسمبر، 2010

أبرجع لك

لك برجع..وبترجع أسراب الطيور لوطنها..
وبنحضن هالغرام اللي..رسم لأيامنا معنى..
...
بكل الشــــــــوق برجعلك..
وبكل آمالي بضحك ك..
وأسولف لك..
عن أيامي..عن آلامي..وبسماتي..
اللي سرقها الغياب من وقتي وعمري..
ياعمري..
أبشرح لك..
ايه ممنوع تتكلم..أنا هالليله بتكلم..
وبفضح سري المكتوم..
وبسمح لك..تشوف اللي خفا عنك..
بعد غيبة سنة وأكثر..
في قلبي وانتا ماتدري..
..
انا أحبك..
نعم وأغليك..
وأغار من البشر حولك..وصادفتك..
في أحلام الفجر مرة وساعات السهر مرات..
وأذكر كل ماعدى..من شهور الهوى والحب..
تصدق عاد؟
تخيلتك..
تعذّر لي عن جروحك..تكلمني عن ظروفك..
وتطلب مني أنساها..وأرجع لك..
أبرجع لك..أبمسح حيرتي وهمي..وخوفي إني ما أرجعلك..
يا مالـــكني..
أبوصف لك..مدى شوقي ولاظني حروف الوصف تسعفني..
لأن شوقي لكـ أكثر..
وفرحة رجعتي أكبر..
كبر ما شلت في قلبي غلا وأحلام..
تلمـّـح لك..
وأحاسيسي..عليك توله..وتوله لك..
يا شاغلني..
وعايش في سما روحي..وساكن كل مافيني..
أبرجع لك..
وبطفي نار شوقي لك..وبفتح للأمل شباك..
وبنهي قصة الفرقا..
وأرجع لك..
..

الأربعاء، 3 نوفمبر، 2010

الاثنين، 1 نوفمبر، 2010

مجرد بوح

دارت الأيام ياعمري علينا
والمحبة تسربت من بين ايدينا
ضاعت ملامح صورتك
يللي تعرف إن الكلام مايوصلك
وتركتني وحدي أقاسي ساعات الغياب
بعدك أحس إني غريبة بدنيتي
وذكرى تلاشت بالضباب
جيت كلك ورحت كلك
وصارت أحلامي سراب
مابقالي ياحبيبي غير
شمعة من أمل
ونورَها قرب يذوب
وأحيان تشاركني العتاب
...
علـّمني كيف أنساك "مثلك"
وأترك الذكرى وراي
عـلـّمني كيف أتغافل الأحزان .. وألهى ..وأنسى كل همي وعناي..
عَلمتني أصبح وفية
بس غيبتك تجرح..
وتجرحـلي وفــاي ..

الأحد، 31 أكتوبر، 2010

رائعة لــ سعد الفهد

توك تـــجي
توك تجي وش ترتجي
عقب السنين وش ترتجي
جا الفرح من عاشقٍ منك انجرح
آه يالفرح معذور والله يا الفرح
...
فيما مضى كنت أحتمل منك الجفا
فيما مضى كان لي أمل أصادف بحبك وفا
ياحبي ياحلم السنين ضيعت أنا حروفك
عيشتني طول السنين باكي على كفوفك
واليوم قوللي وش جرى
اليوم شوقك فيك سرى
ليش تاخذ العمر وتجي
وش باقي عندي ترتجي
جا الفرح من عاشقٍ منك انجرح
آه يالفرح معذور والله يالفرح
...
لوطاوعت انا نفسي وسلمت لك قلبي بيديك
تقدر ترد أمسي؟وعمري اللي ضيعته عليك؟
ياحبي قوللي ليش تمر في غفلة أشواقي
وانا في ربيع العمر تتساقط أوراقي
خايف على روحي
من صحوة جروحي
ليش تاخذ العمر وتجي وش باقي عندي ترتجي
جا الفرح من عاشقٍ منك انجرح
آه يالفرح معذور والله يالفرح
...