الأحد، 14 فبراير، 2010

حلمـ انكـسر


قبل عامـ..

ولا أكثر..المهم..قبل اعرفك قبل ماتصير بحياتي كل حياتي وخط البداية لدنيتي..

وقتي اول..

كان بين نت ودفاتر..

أحفظ دروسي وأذاكر..

وعطلتي..جَمعة صديقات وبنات..

ومزرعة اهلي..وحياة..وحلمـ..

عايش في خيالي ..

وقت مايطول السهر .. وقبل ساعات الفجر..

كنت أبي فارس غريب..ياخذني ووياه أهاجر..

وما أغامر..أو أزعله بيوم أبد..

وجاني بليلة"فــارس"..وصرت أعيش الحلم واقع..

وأداري هلحلم بعيوني وكان كل خوفي يظيع..

وبقمة الفرحة معاه..وبعد ماعشت بهواه..

وبعد"أحبج"

راح وخلاني بسكون..

دنيتي صارت ظنون..من كل اللي عنّا يعرفون..

قلبي صار حلم انكسر..

مثل الطفل اللي فرحنا بجيته..وتالي رحل..

...

"ماتهنيتي بحياتج..ماهو نصيب..الله كريم"..

"باجر الدنيا تجيب"..

كلام كل يوم أسمعه..

بس مايمحي خيالك..ولّاصوتك..

ذكرياتك..وكل ساعه كنت فيها..

أصلن انا بعدي فيك..

بعدي أعيش الكون فيك..

وما أبالغ لو أقول..

إني احس إن احنا بس..

قبل يوم..كنا لبعض..

وقبل ساعه ..

قلت"أحبك"

وبعدها..

إنتـا تغيب..

...

....

..

وانا أنكسر..

الاثنين، 1 فبراير، 2010

يوم المطر

طق المطر
قرر يذكرني بهواك
وكل شي عشته معاك
وأحلى أيام العمر
...
يوم المطر
كنت بخيالي
عادتي ..أسرح وأفكر فيك
من تطري في بالي
واسمك..
يشاركني السهر
..
بعد المطر
كل شي سكت
حتى النخل اللي تحبه..وأعشقه..بعد المطر
تدري ليش؟
إلا تدري وقلتلي بلحظة زمان
إني مثل غصن الشجر
واوراق نخلتنا الخضر
نرتاح لا صرنا بقربه
ومهما عليه الوقت يصعب
نرجع بيوم ونشوفه
يهدى من عقب المطر
..

عـ ـتـ ـب

وتـالي معاك؟؟
بترجع وتنهي حكايتي؟
ولا بتخلي سطورها..عنك يكمّلها القدر..؟؟