الجمعة، 10 سبتمبر 2010

يمر العيد


يمر العيد ياعيدي بدون لا أسمع أخبارك..
يمر العيد وانا أتمنى تكون بخير ومتهــنـّـي..
هذا العيد..
أول عيد..ماشوفك ولا اسمع قلبك الطيب..
يهنيني..
يواسيني..
يصبرني على فرقاك..
آاخ يالعيد..
يافرحة..تجمـّع هالبشر دايــم..
ماتقدر ترجـّعنا..؟
ماتجمع عيون اثنين..؟
تفارق دربهم مره؟
وابتعدو؟
بس قراب..بالاحساس..والأحلام..والذكرى..
وحب العيد..
..
يحب العيد..وأنا مثله..أحب العيد..
أحبه لمـّـا يجمعنا..ينطرنا..يرتب لي ولـه موعد ..
وبس ننهي صلاة العيد..
نسابقها محبتنا..وخطوات الوله تنبض في خافقنا ..
ونوصل حق لحظتنا ..
نحظن كل سعادتنا ..
...
أحس بغصـّـتي والهـم ..
لاقارنت بين الأمس يوم العيد يجمعنا ..
وبين اليوم اللي يمر علينا عيد .. بس احنا ..
"تفارقنا" ..
..
يمر العيد وانا ودي أكون أول بشر يهديك..
عطر عمره وبسماته .. وأفرح فيــك..
يمر العيد وانا كلـي أسف أبكي..
إنك منتا بقربي..
بهنـّــي ذكريات الأمس ..
وأمل ساكن ..
في داخلنا ..
..