الأحد، 13 سبتمبر 2009

بيـــن إيديك

أحس باحساسـ ـن غريب وفي عيوني شي جديد
فيها شعور مو أي شعور..
وعالمي صاير جديد..
ودّي أقــول عن اللي في بالي يجول
حلمن صغير .. ساكن وسط الروح من حنا صغار
ما نعرف من الحب غير"تحبني؟" و "أموت فيج"
وكبرنا أكثر من جذيه
وحلمي تم يكبر معاي
وبكمّل وبوفي معاك
يا أجمل أحلامي وهواي
تدري شللي أنطره؟
وبكل ليله أتخيله
بيتـ ـن يجمّعنا سوى
وطفلـ ـن يشيل اسمك معـاه
هذا كل اللي أبيه
ودّي أكبر بين ايديك
أكثر و أتعوّد عليك
لين يغطي الشيب راسك
واشوف لخطوط بايديك
وبتمـ أحب وأموت فيك
ونكبر أكثر من جذيه
وبعدي طفلة في عيونك
وبعدي أتدلع عليك
وفـ كل سنه بنفس المكان
تحظن كفوفي وتقول:
يا عساج بألفـ خير
وصحة وحب وحنان
وأذرف الدمعه وأرد:
الله لا يبعدني عنك
ويا عساها بكل عام
هذا حلمي يا غلاي
وهذا كل اللي أبيه

هناك تعليق واحد:

غير معرف يقول...

مساء الخير

كلمات روعه وبغايه الجمال كلمات تجعل الانسان يتامل فيها وتجعله ياخذ وقت معا نفسه لتفكير والتامل فيها

بين ايديك كلمات روعه

تسلم الانامل الي كتبت والاحساس الي ابدع في كلماته شعور جميل ومعبر

ابدعتي بالتصور والنقل المعبر تقبلي مروري واشواقي

رحــــال