أسئلة تنطر جواب

غاب النهار بغيبتك..

وأقبل حنين..

..

كل الورود يومك رحلت..

تسئل..

وهل ّ دمع السحاب..

علمني وين ألقى جواب..

كيف أوفي بوعدي لحالي؟

كيف أمشي بدرب الهوى..وانتا بعيد..

وين ألقى نهاية لهالسكوت..

....

تدري إن أيامي تنشد..؟

عن حكاية ناقصة..ضايعه..

بين كل حكايات الغرام..

من اللي خلاّ دربنا دايم حزين..

من هو الي رسم حيره وعذاب..

بين رموش العيون..؟

من هو اللي بيدينه بنى لحبي قصر..؟

ومعاه..عشنا نتفق..انتخيّل..نستعد..

حق حلمنا..حلم العمر..

العمر؟؟ضاع هالعمر..لكن بنتظر..

وبتنتظر كل هالشموع .. وهالورود..

حكم القدر..

كلّ شي عقبك سئل..ماتعلمني بشنهو أرد؟؟

حلمنا مشتاق..وصفحاتي..وأنا..والزهر..

والجهرا...تسئلني عليك..

ماتعلمني..؟؟ماتعلمني أنا بشنهو أرد ّ..؟